Garsies, Klofies albei in halfeindstryd van Beeldtrofee

Waterkloof se agtsteman en kaptein, Eduard Pretorius, het oudergewoonte hard gewerk in Saterdag se wedstryd teen HTS Middelburg. Foto: GB Jordaan

Die Hoërskole Garsfontein en Waterkloof se eerste rugbyspanne het die afgelope naweek seker gemaak dat hulle albei deurdring na die halfeindstryde van die VirSeker Beeldtrofee kompetisie vir Makro skole.

* Garsfontein, wat ook die verdedigende kampioen in die liga vir Makroskole is, het met groot gemak met Hoërskool Rustenburg afgereken. Hoewel die Garsies moes reis en in Rustenburg gespeel het, het hulle nie veel moeite ondervind om die seuns van Noordwes te troef nie, soos die eindtelling van 46-16 bewys. Om alles te kroon moes hulle boonop sonder vyf van hul sterre klaarkom. Dié manne is almal betrokke by die SA Skole- en SA Akademiespanne.

Garsfontein het ses drieë gedruk en hul teenstanders behoorlik oorheers. Die Bere het eerskomende naweek egter ‘n moeilike taak, want hulle moet die omgekrapte span van Monument van Krugersdorp in die halfeindstryd aanvat.

* Die wedstryd tussen Waterkloof en HTS Middelburg was een van die opwindendste skolewedstryde tot dusver in vanjaar se reeks.

Die voorsprong het verskeie kere deur die loop van die wedstryd verander en daar is altesaam 12 drieë gedruk. Hiervan het Waterkloof sewe gedruk, wat hulle uiteindelik waardige en welverdiende wenners gemaak het.

Maklik was dit egter nie. Die wendrie is gedruk met een minuut speeltyd oor, nadat die seuns uit Mpumalanga twee minute tevore die voortou geneem het met ’n drie van hul eie.

Waterkloof se samespel was baie goed en hulle het veral agterlangs goed verdedig. Dis duidelik dat daar hard met hierdie span gewerk is, nadat hulle vroeër vanjaar gesukkel het. Na hierdie vertoning kan hulle met selfvertroue na die halfeindstryd teen Dr. EG Jansen van Boksburg uitsien.

* Hoërskool Die Wilgers het intussen ook na die halfeindrondte van die Vir Seker Beeldtrofee se afdeling vir Medium Skole deurgedring. Hulle het Fochville die afgelope naweek in die kwarteindrondte met 23014 geklop.

 

Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 072 435 7717.

  AUTHOR
Koos Venter
sport journalist

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

ptacenturion ptanorth pta_mootgetitlooklocal.co.zaAutodealer.co.za
Top
Recommended Story
Man seriously injured in road accident