VirSeker Beker aksie het begin

Dawid Botha, Bemarkingsbestuurder van VirSeker (links) word bedank vir hul bydrae deur Ferdi Niemand (voorsitter van die Noordvaal Skolerugby Vereniging) by die bekendstelling van die VirSeker Beker skolerugby toernooi. Hans van Vreden (sekretaris van die Noordvaal Skolerugby Vereniging) staan regs. Foto: Koos Venter

’n Nuwe era vir skole-rugby het die afgelope naweek aangebreek met die eerste wedstryde in die VirSeker Beker toernooi wat afgehandel is.

Dié toernooi, wat reeds dekades lank die gewildste skole rugby kompetisie noord van die Vaalrivier is, word van hierdie jaar af onder sy nuwe naam bedryf.

Die kompetisie is in 1922 ingestel en het aanvanklik as die AG Robertson Beker bekendgestaan. Sedert 1934 was dit bekend as die Administrateursbeker toernooi. In 1982 het die naam weer verander, dié keer na die Direkteurstrofee.

Na die politieke veranderings in Suid-Afrika in 1994 het die kompetisie weer verander en hierdie keer is die naam aan ’n kommersiële borg gekoppel. Dit het daarna tot verlede jaar as die Beeldtrofee bekendgestaan.

Hoewel VirSeker reeds verlede jaar by die kompetisie betrokke geraak het, sal dié maatskappy vanaf vanjaar die alleen-borg wees en daarom is die kompetisie nou bekend as die VirSeker Beker.

Daar word gepoog om die toernooi so ver moontlik op ’n krag-teen-krag basis te bedyf en daarom speel skole in verskillende afdelings. Vanjaar ding nege plaaslike skole uit Pretoria mee in die afdeling vir Makro Skole. Hulle is Garsfontein (verdedigende kampioen), Waterkloof, Menlopark, Eldoraigne, Centurion, HTS John Vorster, Zwartkop, Montana en Wonderboom.

In die afdeling vir Groot Skole sal Oos-Moot, Pretoria-Noord, Overkruin, Tuine, Die Wilgers en Midstream Kollege die eer van Pretoria se skole probeer beskerm.

Akasia, Gerrit Maritz, FH Odendaal, HTS Tuine, Uitsig en Pretoria THS is die plaaslike skole in die afdeling vir Medium Skole.

Hierdie skole sal, soos in die verlede, eers plaaslik sake uitspook, waarna daar dan uitspeelwedstryde sal plaasvind teen ander streke om uiteindelik ’n kampioen in elke afdeling te kroon.

Hoewel sommige skole wat by die uitspeelwedstryde in die Tuks-reeks en die Pukke Prestige-reeks betrokke was eers aanstaande naweek hul veldtogte in die VirSeker Beker toernooi sal begin, was verskeie ander plaaslike skole reeds in aksie.

In die afdeling vir Makro Skole het Centurion vir Wonderboom met 25-5 geklop.

Die afdeling vir Medium Skole sal weer vanjaar baie interessant verloop. Oos-Moot, wat ’n paar jaar reeds die plaaslike kampioen is, het met ’n reuse oorwinning van 69-6 oor Pretoria-Noord begin.  Tuine het Overkruin met 56-26 verslaan en Midstream Kollege het Die Wilgers met 39-24 gewen.

Gerrit Maritz het hul veldtog in die afdeling vir Medium Skole met ’n oorwinning van 54-0 teen FH Odendaal begin. Pretoria THS het Akasia met 64-14 kafgedraf.

Dawid Botha, Bemarkingsbestuurder van VirSeker, het vroeër aan Rekord gesê hulle sien uit na ’n langtermyn verbintenis met hierdie toernooi. Hy het ook bevestig dat daar binnekort weer na die kompetisie se struktuur gekyk sal word en dat dit dalk volgende jaar verfyn sal word om ’n meer regverdige stelsel te skep waar die krag-teen-krag beginsel waarlik tot sy reg sal kom.

Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 072 435 7717.

Vir jou daaglikse gratis gemeenskapsnuus, besoek Rekord se webwerwe:

  AUTHOR
Koos Venter
sport journalist

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

ptacenturion ptanorth pta_mootgetitlooklocal.co.zaAutodealer.co.za
Top
Next Story
Tuks could make history in the Varsity Cup final against Maties

Thanx for your referral. We have no doubt your friends will love our newsletter as much as you!

Don't forget to verify your email.

SUBSCRIBE
to our free NEWSLETTER
!
SUBSCRIBE to our FREE newsletter.




SELECT your titles:

Centurion Rekord
Rekord East
Rekord Moot
Rekord North


Your details:


Your friends:

I didn't sign up for this
I'd like to see and read more... (Please indicate in comments section below)
I'm relocating (Please indicate where to)
Other