Menlopark wen A-bond interhoër op Pilditch

'n Atleet van die Hoërskool Menlopark seil oor die dwarslat in die hoogspring. Foto: Frans Lombard, ActionpixSA

Van die beste skole-atletiek wat op enige plek in Suid-Afrika gesien kan word, het Vrydag op die Pilditch stadion in Pretoria plaasgevind tydens die A-bond interhoër vir plaaslike skole.

Verskeie prestasies wat op die byeenkoms gelewer is, was goed genoeg om die betrokke atlete te kan vergelyk met die beste juniors in die wêreld.

Die byeenkoms is aangebied deur Prestige College, ’n top privaatskool van Hammanskraal wat oor ’n besonder sterk atletiekspan beskik. Ander deelnemende skole was Afrikaans Hoër Seunsskool, Afrikaans Hoër Meisieskool, Hoërskool Eldoraigne, Hoërskool Garsfontein, Hoërskool Menlopark, Hoërskool Montana, Hoërskool Waterkloof en Hoërskool Zwartkop.

Verskeie van Pretoria se beste jeugatlete was in aksie by hierdie byeenkoms en daarom was dit geen verrassing dat die rekords sommer vroeg reeds begin spat het nie. Name soos Ruben Els (Affies, naellope), Thembo Monareng (Garsfontein, naellope), Burger Lamprechts (Garsfontein, gewigstoot/diskus), Taylon Bieldt (Montana, naellope), George Kusche (Affies, middelafstande), Theuns Ehlers (Eldoraigne, naellope en 800m), en Madia Ehlers (Waterkloof, naellope) is in atletiekkringe in Pretoria reeds bekend en nie een van hulle het op die byeenkoms teleurgestel nie.

Die stryd tussen George Kusche en Theuns Ehlers in die 800m vir seuns o.19 was iets wat atletiekpuriste sou laat kwyl. Dit was ’n wêreldklas vertoning vir junior atlete en albei (Kusche 1:49.75s en Ehlers 1:50.4s), asook Henry Kelbrick van Affies wat derde was, het die byeenkomsrekord verpletter.

Monareng se tyd in die 100m vir seuns o.17 (10.57) was ook wêreldklas. Hy het die SA skole rekord met 0.07s misgeloop.

Lampbrechts het ook sy gebruiklike byeenkomsrekord laat spat in die gewigstoot vir seuns o.19 (17,95m), terwyl hy ook die diskus item gewen het.

Onder die dogters het Bieldt nie teleurgestel nie en drie items (100m hekkies, 400m hekkies en 200m naelloop) gewen.  Simonay Weitz van Zwartkop se vertoning in die 800m vir dogters o.17 het ook die toeskouers op die punte van hul stoele gehad. Haar tyd van 2:12.81s het ook vir ’n nuwe rekord gesorg.

Afrikaans Hoër Seunskool het uiteindelik die seuns-afdeling op die interhoër gewen, terwyl Afrikaans Hoër Meisieskool in die afdeling vir dogters baas was. Menlopark het die algehele afdeling gewen, gevolg deur Prestige College, terwyl Garsfontein in die derde plek was.

  AUTHOR
Koos Venter
sport journalist

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

Top
Next Story x
Neethling, Beukes win Van Gaalen battle

Thanx for your referral. We have no doubt your friends will love our newsletter as much as you!

Don't forget to verify your email.

to our FREE newsletter
SUBSCRIBE to our FREE newsletter.




SELECT your titles:

Centurion Rekord
Rekord East
Rekord Moot
Rekord North


Your details:


Your friends:

I didn't sign up for this
I'd like to see and read more... (Please indicate in comments section below)
I'm relocating (Please indicate where to)
Other